Siglir tar il cuntegn

Header

Purtret da la Viafier retica, pli exact il Bernina Express.
Legenda: Keystone
cuntegn

Viagiar cun tren Viafier retica augmenta pass per pass purschida

Plaun plaunet crescha puspè il giavisch da viagiar cun il tren. Sco quai che la Viafier retica communitgescha sajan dapi l'entschatta zercladur puspè dapli passagiers da viadi, en media 60% cumpareglià cun il dumber d'avant la crisa da corona. Quest augment sco er ils concepts da segirtad lubeschian a la Viafier retica da puspè augmentar la purschida sco per exempel ils viadis cun Clà Ferrovia, il conductur per uffants, u ils guids al tunnel d'Alvra. Davent la fin da fanadur dettia lura er puspè ils trens dal Bernina Express tranter San Murezzan e Tirano. Quai tranter la gievgia fin la dumengia.

Concepts da segirezza per purschidas turisticas

Las purschidas turisticas vegnan manadas tras cun concepts da segirezza correspundents. Da quai èn er ils viadis culinarics pertutgads. Là vegnan resguardadas las medemas mesiras sco en las ustarias. Uschia pon ins prender davent per quel mument la mascra.

Ord l'archiv:

video
Viafier Retica cun in sguard enavant
Or da Telesguard dals 24.04.2020.
laschar ir

RTR novitads 17:00