Viandar è daventà ils ultims onns in boom. Adina dapli persunas, giuven e vegl, tschertgan la libertad ed il contact cun la natira en las valladas e sin la muntogna dal Grischun.
Ina buna e segira viandada dovra dentant era ina preparaziun seriusa. I vala eleger ina ruta tenor l’agen pudair, verifitgar las prognosas da l’aura e decider tge material che vegn en il satgados. Fitg impurtant è era la schelta dals dretgs chalzers da viandar. E betg il davos datti era apps multifaras per il telefonin, che han per finamira da gidar la viandanta ni il viandant da chattar la via.
