Vico Torriani - il cuschinier che chanta

En ses cudesch «Alle meine Rezepte, alle meine Erlebnisse» ha Vico Torriani documentà sin 143 paginas sias experientschas ed agiuntà ils recepts che han accumpagnà el durant sia vita.

Il cudesch da cuschinar da Vico Torriani. Bild in Lightbox öffnen.

Legenda da maletgs: Il cudesch da cuschinar da Vico Torriani. RTR/Sergio Guetg

Quai èn recepts tipics indigens sco «plain in pigna», recepts classics sco «risotto à la milanese» u «spaghetti carbonara». Er recepts da la cuschina russa fin tar recepts da la cuschina americana e chinaisa chattan plaz en il cudesch.

Poularde à la Vico Avrir maletg en lightbox.

Legenda da maletgs: Poularde à la Vico RTR/Sergio Guetg

Plinavant chatt’ins er recepts ch’el ha creà sez e sagià, sco p.ex. pulaster «Poularde à la Vico» - servì cun fritga caramelisada.

Quest cudesch documentescha fitg bain nua che Vico Torriani è dapertut stà ed envida da sfegliar en ses viadi culinaric enturn il mund.

El e in cudesch da memorias illustrà cun bleras fotografias ord ses archiv privat - uschia ch'el vala er sco ina sort autobiografia.

Sursiglir cuntegn supplementar

Recept Poularde à la Vico

  • 1 poularde, 1 pulaster da ca. 1400 g
  • 50 g paintg
  • Sal e paiver
  • 3 tschaduns da té sosa da cumberland
  • 1 tschadun da té sosa da chili
  • Estragon (frestg ni setgentà)
  • Zutger

Ord la conserva:

  • 4 schibas da ananas
  • 4 mez pairs
  • 4 mez persics

Frestg:

  • 4 mesas bananas
  • 4 schibas da maila
  • 4 schibas da orangias
  • 1 magiel pitschen grand marnier

La preparaziun

Cundir la poularde dadens cun sal e paiver ed agiuntar il paintg ed il estragon e liar la poularde cun in ferm fil. Cundir la poularde cun sal e marinar ella cun ¾ sosa da cumberland e cun 1/3 sosa da chili.

Metter la poularde per ca. 1 ¼ uras en il furnel fin che la poularde è brina aurà

Fritga da paradis:

Metter paintg èn ina gronda padella da brasser e caramelisar la fritga marinada cun zutger. Stizzar cun grand marnier e flambar.

Transchar la poularde e garnir cun la fritga da paradis. Servir cun pommes chips.

Fritga da paradis caramelisada Avrir maletg en lightbox.

Legenda da maletgs: Fritga da paradis caramelisada tenor in recept da Vico Torriani. RTR/Sergio Guetg

Laschar ir video «Per far gust sin questa saira...»

Per far gust sin questa saira...

0:37 min, Trailers dals 22.2.2016