Turitg ha communitgà il glindesdi ch’ins sentia gia in augment da la violenza a chasa pervi da las mesiras cunter la derasaziun dal coronavirus. Il chantun da Turitg ha perquai er augmentà il persunal en ils uffizis ed en las organisaziuns che gidan unfrendas da violenza.
Ed en il Grischun?
Per il mument n’hajan ins anc naginas infurmaziuns ch’i dettia dapli cas da violenza a chasa en il Grischun, di Susanna Gadient, manadra da l’Uffizi dal servetsch social. Ins saja dentant alert ed observeschia la situaziun.
Las organisaziuns che gidan en cas da violenza a chasa èn semtgadas.
Tgi ch'è pertutgà da violenza a chasa, chatta qua agid:
Mintga di durant 24 uras
- Polizia en cas d’urgenza, telefon 117
- Cussegliaziun per uffants e giuvenils, telefon 147 ubain 147.ch
- Agid e cussegliaziun per dunnas, telefon 081 252 38 02 ubain info@frauenhaus-graubuenden.ch
- Clom d'urgenza per geniturs e famiglias, telefon 0848 35 45 55 ubain elternnotruf.ch
- Cussegliaziun per persunas en situaziuns difficilas, telefon 143 ubain 143.ch
Cuntanschibel durant las uras da biro:
- Agid d'unfrendas per dunnas, umens ed uffants, telefon 081 257 31 50 ubain opferhilfe@soa.gr.ch
- Cussegliaziun per vegls, telefon 0848 00 13 13 ubain alterohnegewalt.ch
- Cussegliaziun per persunas ch’exequeschan sezzas violenza, telefon 079 544 38 63 ubain gewaltberatungsstelle@gr.ch