Siglir tar il cuntegn

Header

In raischen sin in maun.
Legenda: Ins n'astga betg sutvalitar quels animalets. Pixabay
cuntegn

Virus vs. bacteria Borreliosa e FSME – malsognas entras raischens

La pli gronda differenza tranter las duas malsognas enconuschentas che nus pudain survegnir entras raischens è: Borreliosa è ina bacteria ed FMSE in virus. Vinavant sa borreliosa vegnir curada cun antibiotica, entant ch’i na dat betg pussaivladads da tractar FSME.

audio
Differenza tranter FSME e borreliosa
02:43 min, Actualitad dals 28.04.2021.
laschar ir. Durada: 02:43 minutas.

Virola preventiva

Encunter FSME datti persuenter ina virola preventiva. L’emprima giada survegnan ins trais dosas e suenter ston ins refrestgentar la virola mintga tschintg enfin diesch onns.

audio
FSME - la derasaziun e la protecziun
01:49 min, Actualitad dals 28.04.2021.
laschar ir. Durada: 01:49 minutas.

Sintoms da las malsognas

Tar borreliosa poi dar ina infecziun da la pel, las giugadiras, il sistem da la gnerva u en singuls cas po era il cor esser pertutgà. Sch’ins na percorscha betg borreliosa e na curescha la malsogna, pon las consequenzas esser, ch’ins survegn impediments che restan.

Tar FSME po l’infecziun sa derasar en il tscharvè e magugl da dies. Las pertutgadas ed ils pertutgads na san per part betg discurrer pli, betg pli savair ir a pe, enfin la mort en il mender cas. Il sulet ch’ils medis pon far tar in’infecziun cun FSME, è curar ils sintoms. Quai munta per exempel gidar d’emprender da puspè pudair ir a pe u da discurrer, declera il neurolog Serafin Beer.

RTR actualitad 06:00

Artitgels legids il pli savens

Scrollar a sanestra Scrollar a dretga