Siglir tar il cuntegn
Vitus Dermont.
Legenda: Vitus Dermont daventa nov president dal Cussegl grond. RTR

Chantun Vitus Dermont – a partir dad oz il pli aut grischun

Vitus Dermont da Laax vegn elegì oz sco nov president dal Cussegl Grond dal Grischun. Cunquai dastga el purtar per in onn il titel sco pli aut grischun.

Dermont sesa dapi il 2000 en il Cussegl Grond nua ch’el è commember da la fracziun cristiandemocrata. L’anteriur president communal da Laax è stà blers onns commember da la cumissiun per furmaziun e cultura.

Il presidi dal Cussegl Grond pretenda bler engaschi

Sper manar la sessiun dal Cussegl Grond è il pensum dal president dal parlament grischun cumbinà cun blera preschientscha ad arranschaments publics. Vitus Dermont ha grond plaschair da pudair surpigliar quest uffizi, ha dentant era respect da tut quai che spetga el. Dermont è conscient che l’uffizi vegn era pretender in u l’auter sacrifizi.

“Per dar troccas vi jau prender peda”

Il grond hobi da Vitus Dermont èn las troccas. El è era gia stà campiun grischun da dar troccas. Per quest hobi spera il bab da 4 uffants creschids d’avair temp almain ina giada l’emna durant ses onn da presidi.

Artitgels legids il pli savens