Siglir tar il cuntegn

Header

video
Museum da la natira: Surviver sur il cunfin dal guaud
Or da Telesguard dals 07.01.2019.
laschar ir. Durada: 2 minutas 20 Secundas.
cuntegn

Chantun Viver sur il cunfin dal guaud

Suenter l'exposiziun speziala «Fascinà dal guaud» mussa il Museum da la natira dal Grischun quest onn cun «Buns survivents», co animals e plantas survivan sur il cunfin dal guaud. Las exposiziuns spezialas han era la finamira da carmalar visitaders. L'onn passà n'è quai dentant betg gartegià.

Ina gronda part da la surfatscha dal chantun Grischun sa chatta sur il cunfin dal guaud. Là vivan blers animals ed era plantas, e quai sur onn, tar tut las temperaturas.

Nus lain mussar, tgi che viva sin questa autezza e co els pon surviver.
Autur: Flurin Camenisch pedagog da museum

L'exposiziun «Buns survivents» mussa, tge animals e plantas che vivan en il territori alpin e co els survivan en questas autezzas.

audio
Saira: Museum da la natira dal Grischun: Exposiziun 2019
ord Actualitad dals 07.01.2019.
laschar ir. Durada: 3 minutas 7 Secundas.

8'000 visitaders damain che l'onn avant

La finamira da las exposiziuns spezialas è tranter auter da carmalar visitaders en il museum. L'onn passà n'è quai dentant betg gartegià. Il 2018 ha il museum pudì notar radund 27'000 visitaders, l'onn 2017 eran quai anc passa 35'000. In dals motivs è stà la stad da chaliras cun bler sulegl.

Tenor il directur dal museum Ueli Rehsteiner saja dentant era l'exposiziun durant la stad cun il tema nitrogen, betg stada ina che haja attratg blers visitaders. La digren da visitaders na saja dentant nagin problem. Il trend sur plirs onns saja anc adina positivs.

RR actualitad 17:00

Artitgels legids il pli savens