Siglir tar il cuntegn

Header

Navigaziun

Norbert Waser sin in placat
Legenda: A Cuira è Norbert Waser er da vesair sin placats. RTR, GIAN CARLO CANDINAS
cuntegn

Votaziun a Cuira Norbert Waser – l'um cun ina rolla dubla

El è dad ina vart schurnalist e da tschella vart en il comité «Direkt uffa». Quel vul ch'i dat a Cuira ina nova pendiculara directa si Brambrüesch. Norbert Waser ha sez era gia rapportà per il Bündner Tagblatt davart questa votaziun, ch'è ils 19 da matg.

A Norbert Waser èsi stà conscient ch'i sa dar conflicts pervia da sia rolla dubla. Las reacziuns sin ses artichels davart la votaziun sajan dentant stadas bunas.

Era ils adversaris da la votaziun han ditg ch'ils artitgels sajan stads objectivs.
Autur: Norbert Waseraderent da la votaziun

Hans Martin Meuli, commember dal cussegl communal a Cuira, è in adversari da la nova pendiculara planisada. El conferma che Nobert Waser haja rapportà da modafitg equilibrada. El sa dumonda dentant co ch'ils lecturs vesan la rolla dubla dal schurnalist.

Il lectur vegn forsa schon a sa dumandar co ch'igl è pussaivel da manar ina discussiun davart ina votaziun ed il medem mument esser en in comité da questa votaziun.
Autur: Hans Martin MeuliAdversari d'ina nova pendiculara a Brambrüesch

«La communicaziun ha mancà»

Luzi Bürkli, schefredactur dal Bündner Tagblatt, menziuna che Norbert Waser ed el n'hajan al cumenzament betg discurrì in cun l'auter davart quella rolla dubla.

Sco schurnalist ston ins sa chapescha sa tegnair enavos en la publicitad.
Autur: Luzi BürkliSchefredactur dal Bündner Tagblatt

Els avessan segir guardà pli critic sin questa rolla dubla, sch'els avessan discurrì gia l'entschatta in cun l'auter. Sco che Luzi Bürkli ha ditg, na vegnia Norbert Waser betg pli a rapportar davart la votaziun «Direkt uffa».

RR novitads 11:45