audio
Bunura: Chatscha speziala – Tge di la glieud?
ord Actualitad dals 30.04.2019.
laschar ir. Durada: 2 minutas 37 Secundas.
Sch'ins va a Cuira sin via e dumonda la glieud suenter lur opiniun pertutgant l'iniziativa da chatscha, survegnan ins l'impressiun che blers n'èn anc betg occupads tant cun la tematica.
Jau n'hai absolut nagina idea da quai tema. Pervia da mai duessan ils chatschaders far tge ch'i vulan cura ch'i vulan.
En las vals per encunter para il tema dad esser pli actual. Vid ina u l'autra maisa radunda vegn discussiunà davart l'iniziativa. Intgins han gia decis tge ch'els scrivan sin il cedel da votaziun.
Jau votesch gea, gea, gea! 30 onns hani gì temp da regular la chatscha ed èn vegnì da far nagut. I va gea mo per ils daners... Il settember na dastg'ins betg sajettar vatgas cun vadè – suenter vani durant la chatscha speziala e fan giu da quellas cun vadè. Quai è ina portgaria!
I dovra tschertas midadas, dentant betg quest'iniziativa. Ins sto pensar a tut – betg mo vid il vadè che vegn sajettà davent a la mamma. Ins sto vesair tut.
Blers peduns ch'èn vegnids dumandads n'han betg vulì tradir lur avis – quai ord motivs da loialitad. Sco para in tema brisant.
cRR actualitad 07:00