Siglir tar il cuntegn

Header

video
Il Grischun survegn in nov sistem electoral
Or da Telesguard dals 13.06.2021.
laschar ir
cuntegn

Nov sistem d'eleger Il chantun Grischun survegn in nov sistem electoral

Uss èsi reussì: il chantun Grischun survegn in nov sistem electoral. A la fin èsi stà ina clera decisiun – 79% da la populaziun sco er mintga singula vischnanca è stada per la midada.

Grischunas e Grischuns sustegnan la midada dal maiorz al proporz dubel per eleger deputadas e deputads dal Cussegl grond. Igl è stà ina clera decisiun cun 78,88% da las vuschs e cun il sustegn da tuttas vischnancas.

Nov sistem d’eleger il Cussegl grond

GEA 78.88%, Na 21.12%

Resultat

Il pli grev stan ha la midada giu en Surselva - dentant schizunt là ha il nov sistem electoral survegnì 71% da las vuschs - cunzunt en la Cadi hai dà intginas vuschs NA al la midada - quellas n'han dentant per bler betg tanschì. Il pli cler GIE hai dà or da la regiun Plessur - la Citad da Cuira ha sustegnì cun var 85% la midada da la lescha.

Resultats da las vischnancas grischunas

Funtauna votaziuns GR

Avrir la boxSerrar la box

RTR sa basa sin las datas che la Chanzlia chantunala dal Grischun metta a disposiziun. Quellas èn da chattar sin https://abstimmungen.gr.ch/, il link avra en ina nova fanestra.

Regenza è levgiada

La regenza dal chantun è levgiada cun la decisiun dal suveran, di il Cusseglier guvernativ Christian Rathgeb.

Igl era cler ch'il chantun stoppia midar ses sistem electoral, ch'i saja dentant gartegià questa giada saja in grond levgiament. Previs è d'eleger tenor il proporz dubel gia il matg 2022 deputadas e deputads dal Cussegl grond.

Il proporz dubel

video
Declerà curt e cumpact: il proporz dubel
Or da Actualitad video dals 19.05.2021.
laschar ir

La situaziun da partenza era clera: il chantun Grischun sto adattar ses sistem d'eleger. Il maiorz, che valeva enfin qua, cuntrafa per part a la Constituziun federala tenor ina sentenzia dal Tribunal federal. Auter che la PCD - che ha dà liber la vusch - han tut las partidas grischunas sustegnì l'introducziun dal proporz dubel.

Ina lunga istorgia

Ch'il Grischun banduna il sistem dal maiorz è ina decisiun istorica.

Timeline - tge è capità fin uss

RTR novitads 12:00

Artitgels legids il pli savens

Scrollar a sanestra Scrollar a dretga