Siglir tar il cuntegn

Header

cuntegn

Oz vegn votà Davart discriminaziun, abitaziuns ed in credit per il Plantahof

Cun emprims resultats da las votaziuns èsi da quintar suenter las 12:00. Nus votain oz davart suandants projects:

Votaziun chantunala

  • Il pievel Grischun decida davart in credit da 24,5 milliuns per il center da furmaziun e cussegliaziun agricula Plantahof. Cun quels daners duajan trais novs bajetgs vegnir construids. Opposiziun na datti betg pli gronda cunter quest project.

Votaziuns naziunalas

  • En Svizra vegn per l'ina votà davart l'iniziativa «Dapli abitaziuns pajablas». Quella pretenda che abitaziuns pli favuraivlas vegnian promovidas. Las partidas sanestras PS e Verda sustegnan l'iniziativa, tschellas partidas recumondan da votar na.

  • Per l'autra vegn votà davart il referendum che pertutga il scumond da discriminar pervi da l'orientaziun sexuala. Qua recumondan la PPS e l'EDU da refusar l'iniziativa, percunter che tut tschellas partidas èn pro.

Votaziuns communalas

  • Er sin palancà communal vegnan differentas votaziuns avant il pievel. Tranter auter decida la vischnanca da Ilanz/Glion davart ina nova lescha da bajegiar, la citad da Cuira sch'i vegn tar ina fusiun cun Haldenstein ed ils da Tavau davart ina contribuziun annuala da 1,2 milliuns francs per l'ospital.

Las votaziuns tar RTR

Avrir la box Serrar la box

RTR rapporta l'entira dumengia davart ils resultats ord vischnancas, dal chantun Grischun e da la Svizra:

  • l'entir di sin www.rtr.ch
  • adina puspè sin facebook, twitter ed instagram
  • a partir da las 12:00 uras al radio
  • las 17:40 uras en il Telesguard sin SRF1

RTR Votaziuns

Artitgels legids il pli savens