Siglir tar il cuntegn

Header

Placats da la PCD sin la plazza dal vitg da Panaduz.
Legenda: Quests placats sin la plazza dal vitg procuran tar «Futuro Bonaduz» per tgaus cotschens. RTR, Flurin Clalüna
cuntegn

Panaduz Charplina pervia da placats da votaziun

Sin la plazza dal vitg da Panaduz datti dus placats da la PCD – reclama per las reelecziuns da la suprastanza, cussegl da scola e la cumissiun da gestiun. La gruppa «Futuro Bonaduz» disturba quai dentant.

La raschun per la critica: En il 24avel artitgel da la lescha da polizia da Panaduz stat scrit, che la suprastanza communala decida davart placats e reclama sin terren public.

Perquai che trais persunas da la suprastanza communala èn sin il placat, essan nus da l'avis che la decisiun na vala betg.
Autur: Kuno CasanovaCommember da «Futuro Bonaduz»

Lur critica han els publitgà sco emprim sin lur pagina da Facebook. Il di suenter han els er scrit in e-mail a la suprastanza per dumandar suenter.

«Futuro Bonaduz»

Textbox aufklappenTextbox zuklappen

La gruppa «Futuro Bonaduz» è ina gruppa che s'engascha politicamain. Tenor lur pagina d'internet vulan els purtar vent frestg en la politica dal vitg, novas structuras e finir cun il "filz". Els na sa vesan dentant betg sco partida politica classica.

La gronda part dals commembers èn mastergnants. Trais commembers da la gruppa candideschan per la suprastanza.

Medem proceder sco adina

La presidenta communala Elita Florin-Caluori n'inclegia betg la critica da «Futuro Bonaduz». La dunna, ch’è er sin il placat sin la plazza dal vitg, manegia, che tar tals cas na decidia gnanc la suprastanza.

Mintga uniun ed organisaziun dastga dumandar per in permiss e tuts vegnan tractads tuttina.
Autur: Elita Florin-CaluoriPresidenta communala da Panaduz

Tenor Elita Florin-Caluori avess er «Futuro Bonaduz» survegnì la lubientscha da pender si lur placats sin terren public. Futuro Bonaduz n'ha dentant betg dumandà per lubientscha.

Betg cuntenta cun resposta

Quella decleraziun haja la chanzlia er declerà a la gruppa «Futuro Bonaduz». La gruppa na sa mussa dentant betg cuntenta cun quella decleraziun. Tenor ella na possia la PCD betg pender si ils placats. Els spetgan, che la partida prendia puspè giu sia reclama. Sezza n’ha la «Futuro Bonaduz» dal reminent betg dumandà per ina lubientscha per pudair pender si placats.

Ils 27 da settember elegia il suveran da Panaduz las autoritads communalas. Tranter auter datti in cumbat per il presidi:

RTR actualitad 12:00

Artitgels legids il pli savens

Scrollar a sanestra Scrollar a dretga