A chatsch'auta van dapi 10 onns pli u main 5500 persunas en il Grischun. Il dumber da chatschadras e chatschaders che han fatg part a la chatscha speziala è creschì da 1443 sin 2021.
«I dat adina dapli tschiervs» - in argument ch'è d'udir savens en il cumbat da votaziun. Tenor las dumbraziuns che l'Uffizi da chatscha dal Grischun organisescha mintga primavaira è il dumber da tschiervs creschì da 14'000 sin 16'500. Il dumber da chavriels variescha (stan 2018: 13'500).
Il dumber da selvaschina che vegn sajettà variescha dad onn tar onn - saja quai tar la chatsch'auta sco era tar la chatscha speziala - e quai tranter auter pervia da l'aura. L'onn passà han chatschadras e chatschaders sajettà 3'402 tschiervs durant la chatsch'auta e 1'404 durant la chatscha speziala. In onn extraordinari èsi stà per ils chavriels: Il 2018 n'hai dà nagina chatscha speziala sin chavriels.
Ils guardiaselvaschina sajettan be animals blessads, malsauns u tals che fan gronds donns.
RTR votaziuns