Legenda: Landquart RTRLandquart
Landquart po definir sias zonas d'aua. Cun 1'254 cunter 395 vuschs ha il suveran approvà cleramain la revisiun parziala dal plan da zonas e l'adattaziun da la lescha da bajegiar. Tranter auter duai la zona d'aua vegnir integrada en las leschas da bajegiar dad Igis sco nova zona da protecziun ed en la lescha da bajegiar da Mastrils.
Legenda: San Murezzan RTRSan Murezzan
Cun 799 cunter 375 vuschs ha il suveran da San Murezzan decidì da vender la Chesa Brunal. Sa participads a la votaziun èn 47% dal suveran. Dapi trais onns è la Chesa Brunal en posses da la vischnanca. La suprastanza vul vender l'immobiglia per 12 milliuns francs.
Legenda: S-chanf RTRS-chanf
Ils da S-chanf han elegì Riet Campell sco nov president communal. Nov vicepresident è Heinz Thomas. En la suprastanza communala èn vegnì elegids Robert Thoma, Rafael Da Silva Pinto e Duri Schwenninger, sco suppleant Daniel Platzer. Christian Berger e Jon Peider Lemm èn en la cumissiun da gestiun, Nina Defilla e Doris Florineth furman il cussegl da scola. La participaziun a la votaziun munta tar mintga post tranter 45% e 48%.
Legenda: Tusaun RTRTusaun
A Tusaun han las votantas ed il votants approvà la revisiun parziala da la planisaziun locala cun 529 GEA e 104 NA. Cun la revisiun vul la suprastanza communala d'ina vart adattar il plan da zonas e la lescha da bajegiar en las uschenumnadas «zonas da lavur». Da l'autra vart vul ella adattar il plan da zonas per engrondir il terren d'exercizi dals pumpiers. La participaziun a la votaziun ha muntà a 34,5%.
Votaziuns dals 20-10-2019 Decisiuns en vischnancas grischunas
Qua ina schelta da decisiuns communalas dals 20 d'october 2019. Quella vegn actualisada cura ch'igl è enconuschent dapli detagls ubain ils resultats.