Siglir tar il cuntegn

Header

demonstraziun da giuvenils per il clima
Legenda: Keystone
cuntegn

WEF Activists dal clima vulan marschar fin Tavau

L'allianza d'activists dal clima na vul betg sa laschar franar e far ses marsch da protest da trais dis sin l'entir traject da Landquart fin a Tavau. Las autoritads han lubì il marsch sulet fin Claustra.

L'ultima etappa da Claustra fin Tavau na dastgan ils viagiaturs d'enviern e critichers dal WEF betg far a pe. Las autoritads chantunalas han motivà il scumond che la via chantunala sin quest traject servia er sco «giassa da salvament».

Ins vegnia er il mardi cuntinuar l'excursiun davent da Claustra e quai sin sendas che na dovrian nagin permis, sco per exempel sendas da viandar, communitgescha l'allianza che sa preschenta sut il num «Strike-WEF».

Il marsch da protest cumenza dumengia a Landquart cun ina manifestaziun locala e duai ir a fin mardi a Tavau cun ina manifestaziun sin la plazza avant la chasa communala. Cun il marsch da radund 40 km vulan ils activists dal clima far attents ils 3'000 partizipants dal Forum mundial d'economia sin lur responsabladad per proteger il clima.

RTR novitads 14:00