Siglir tar il cuntegn

Header

Leonardo DiCaprio
Legenda: L'actur Leonardo DiCaprio è vegnì onurà per ses engaschi per in meglier mund. Keystone
cuntegn

Chantun WEF: Crystal Awards per prominents

Avant l'avertura dal WEF oz ha Tavau han 4 artists che s'engaschan per in meglier mund survegnì il Crystal Award dal WEF. Tranter els è era l'actur Leonardo DiCaprio ed il musicist William Adams.

Adams è il frontmen dals Black Eyed Peas ed è vegnì enconuschent sut ses num d'artist will.i.am. Il 2009 ha el creà ina fundaziun che vul persvader uffants e giuvenils da la valur che la scolaziun ha. Leonardo DiCaprio da sia vart è vegnì premià per ses engaschament cunter la midada da clima e per la protecziun per spezias d'animals smanatschadas. «Avunda è avunda» ha ditg DiCaprio a Tavau.

L'avegnir da la umanitad na dastga betg vegnir unfrì a la engurdientscha da l'industria da ieli, cotgla e gas.
Autur: Leonardo DiCaprioactur da film

«Igl è pussaivel da cuvierer fin l'onn 2050 l'entir basegn d'energia cun energias regenerablas», ha ditg l'actur da film. DiCaprio ha appelà als politichers ed economs preschents da s'engaschar per quella finamira.

Ulteriurs Crystal Awards hai dà per la l'actura chinaisa Yao Chen ed il sculptur danais Ëlafur Elíasson.

RR novitads 6:00

Artitgels legids il pli savens

Scrollar a sanestra Scrollar a dretga