Siglir tar il cuntegn

Chantun World Skills – chanaster per il Grischun

Per il chantun Son Gagl n’èsi betg realistic d’organisar ils campiunadis mundials da las professiuns ensemen cun il Grischun ed il Principadi da Liechtenstein. L’occurrenza saja vegnida memia gronda. Uss sclerescha il Grischun era sch'i faschess senn d'organisar ils Swiss Skills.

Riet Bulfoni.
Legenda: Il Grischun Riet Bulfoni era sa participà il 2017 als World Skills ad Abu Dhabi. Swiss Skills

Duas giadas ha il chantun Son Gagl organisà ils World Skills. Entant saja l’occurrenza dentant vegnida memia gronda, rapporta il schurnal regiunal da radio SRF. Perquai s’interessescha Son Gagl uss per ils Swiss Skills, en vista è il termin da 2022. Las preparativas marschian gia dapi in onn e mez.

Grischun tschertga alternativa

La regenza grischuna aveva survegnì la primavaira dal Cussegl grond l’incumbensa d'examinar ina candidatura per ils World Skills. Suenter il chanaster da Son Gagl sclereschian els ussa sch'ina candidatura be cun il Principadi dal Liechtenstein fiss era pussaivla. Quai ha ditg il cusseglier guvernativ Martin Jäger al schurnal regiunal da SRF. Era d'organisar ils Swiss Skills vegnia ponderà.

RR novitads 16:00