Siglir tar il cuntegn
Inhalt

Chantun Zonas da bajegiar: PCD per proposta

La Partida cristiandemocratica dal Grischun beneventa da principi la proposta da reveder la lescha davart la planisaziun dal territori. Areguard ils detagls co il Grischun duai reducir las zonas da bajegiar datti dentant era critica.

Cudeschet mellen.
Legenda: Cun quest messadi messadi propona la regenza grischuna co reveder la lescha davart la planisaziun dal territori. RTR, Nadja Cadonau

La PCD renconuscha bain ch'il chantun sto reducir circa 100 hectaras terren da bajegiar. La finala hai dà avant tschintg onns ina votaziun federala – ed il chantun sto uss adattar sia lescha.

Ils cristiandemocrats pretendan dentant ch'i dettia ina gulivaziun faira e solidarica tranter las vischnancas, pia tranter quellas che ston reducir lur zonas e quellas che creschan e dastgan engrondir lur zonas da bajegiar. Sch'i va per ils detagls quant bler che tgi sto pajar, respectivamain quant che vegn cumpensà, lura vulessan ins laschar tant sco pussaivel maun liber a las vischnancas.

Sustegn da la PBD

Era la Partida burgais-democrata ha discutà la lescha en vista a la sessiun dal Cussegl grond. La PBD sustegna la revisiun. Quai tranter auter era perquai ch'i mancan alternativas.

Debatta en la sessiun d'october

En scadin cas spetga sin deputadas e deputads ina debatta brisanta en in'emna. Er la PPS e la PLD han numnadamain fatg a savair lur critica – per part massiva – encunter la proposta da la regenza.

RR novitads 17:00