En vischnancas nua ch’i dat privels da natira dat quai dapi ils onns 1970 er las zonas da privel. Quellas fixeschan precis sch’ins dastga insumma e sco ins ha da bajegiar, declera Magnus Rageth, manader regiunal da l’uffizi per guaud e privels da natira.
I dat zonas cotschnas nua ch’i na dastga betg vegnir bajegià e zonas blauas nua ch’ins dastga be bajegiar, sch’ins prenda mesiras spezialas. Las zonas n’èn dentant betg sacrosanctas e pon er sa stuschar, svanir u ch’i po er da novas zonas da privel. Quai perquai che la natira n’è betg stabla e tut sa mova.
Er pon vischnancas prender mesiras sco, sco p.ex. bajegiar tschiffaders da glera u bajegiar or punts. Uschia che zonas pon svanir. I dat dentant er il cas cuntrari – sch’i vegn per exempel ina bova en in lieu nunspetgà, po il chantun far ord quella zona ina zona cotschna.