Il chantun Grischun collavurescha er ils proxims cun ils chantuns da la Svizra orientala e Turitg tar la purschida per persunas creschidas cun impediments. Involvids èn il chantuns: Grischun, Son Gagl, Appenzell Dadens, Appenzell Dadora, Glaruna, Turgovia, Schaffusa e Turitg.
La conferenza da las directuras ed ils directurs socials da quests chantuns ha approvà la revisiun da las lingias directivas per ils furniturs da prestaziun. I va surtut per directivas per la da qualitad da differentas purschidas per persunas cun impediments. La finamira da quellas è da proteger la persunalitad e garantir l'integritad da persunas cun impediments però er da promover lur autonomia en il rom da la cunvegna da l'ONU ch'è dapi il 2014 en vigur.
