La gievgia saira è in char annex cupitgà en ina rundella a Domat. Las quatter vatgas ed il vadè chargiadas han gì cletg e n'èn betg vegnidas blessadas seriusamain. Ellas han pudì vegnir tractadas al lieu.
In pur en emprendissadi è charrà da Domat en direcziun da Cuira. En la rundella sper il center da Plarenga è il char annex da muaglia lura derschì. La Polizia chantunala suppona sco raschun ch'il center da gravitad da las quatter vatgas ed il vadè saja sa stuschà uschia ch'il vehichel saja derschì sin la vart dretga. Il char annex saja vegnì destruì cumplettamain.