Siglir tar il cuntegn

Header

video
Il chastè a Zizers
Or da Telesguard dals 28.11.2023.
laschar ir. Durada: 4 minutas 13 Secundas.
cuntegn

Chastè Zizers Abitar sco in retg u ina regina

Viver sco chastellan u chastellana? En il chastè a Zizers è quai pussibel. Las emprimas da 23 abitaziuns luxuriusas èn uss prontas per novs abitants ed abitantas.

Dal 1670 fin 1688 ha Johann Rudolf von Salis bajegià il chastè ensemen cun sia dunna. Enfin 1819 è l'edifizi restà en possess da la famiglia. Lura ha l'uvestgieu cumprà il chastè e midà sia funcziun. Igl è daventà ina chasa da vegls. 1919 è l'ultima imperatura austriaca Zita vegnida en l'exil en il chastè da Zizers. Ella ha abità là fin sia mort l'onn 1989.

Lura hai dà ordlonder in suttetg per glieud impedida sco chasa da tgira e da vegls. Quella ha dentant stuì vegnir serrada or da motivs finanzials. L'uvestgieu Johannesstift ed il cussegl da fundaziun han tschertgà cumpraders. Uschia ha la societad acziunara «Schloss Salis Zizers» cumprà il monument caracteristic da Zizers l'avust 2019.

La vischnanca ha vulì cumprar il plaunterren per dar in suttetg a l'administraziun communala. La populaziun ha dentant detg Na il 2021. Uschia è il chastè uss cumplainamain privatisà cun abitaziuns renovadas, mintgina in unicat.

Or da l'archiv dad SRF:

video
Ein Schloss zu Weinachten?
Or da Schweiz aktuell dals 14.12.2018.
laschar ir. Durada: 5 minutas 41 Secundas.

RTR Telesguard 17:40

Artitgels legids il pli savens