Siglir tar il cuntegn

Header

video
Grischun ha sajettà 4 lufs dapi l'entschatta december – cussegliera guvernativa prenda posiziun
Or da Telesguard dals 19.12.2023.
laschar ir. Durada: 2 minutas 40 Secundas.
cuntegn

Chatscha da lufs Chantun ha sajettà quatter lufs il december

Pervi dal recurs dad intginas organisaziuns da la protecziun da l'ambient na po il chantun betg regular tut ils lufs sco giavischà. 11 lubientschas da sajettar èn sistidas, enfin ch'il recurs, ch'èn vegnids enconuschents entschatta december, èn tractads davant Tribunal administrativ federal. Sco la regenza ha communitgà, hajan ins sajettà il december quatter lufs.

audio
Carmelia Maissen: «L'aura ha engrevgià la lavur»
ord RTR Audio dals 19.12.2023. Maletg: Carmelia Maissen
laschar ir. Durada: 29 Secundas.

La blera naiv haja fatg grev da pudì tiers ils lufs. Quels sajan sa retratgs suenter ch'i ha navì uschè fitg. Plinavant hajan ins en blers lieus era stuì interrumper la chatscha speziala. Quai munta che las chatschadras ed ils chatschaders han strusch gì la pussaivladad da sajettar ils lufs. Ils quatter lufs sajan vegnids sajettads da la guardiaselvaschina.

Grond na vegnia quest dumber betg pli a sa midar, perquai che la chatscha speziala va a fin mesemna. Per l'auter onn vul il chantun augmentar il persunal. I duai dar tschintg novs posts per la guardiaselvaschina. Ins haja constatà che quels hajan adina dapli da far cun la chatscha sin ils lufs.

Otg lufs gia sajettà la stad passada

Oriundamain aveva il chantun la lubientscha da sajettar 44 lufs. Da quels ha il chantun sajettà 8 lufs la stad passada. Il recurs da las organisaziuns da la protecziun da l'ambient ha bloccà 11 lubientschas. Dals lufs lubids èn il december vegnids sajettads 4.

Quants lufs pon ins sajettar?

Avrir la box Serrar la box
  • total lubientschas da sajettar: 44
  • pertutgadas da recurs: 11 lubientschas
  • lufs sajettads avant il december: 8
  • sajettà il december: 4 lufs
  • regulaziun anc lubida : 21 lufs

RTR novitads 17:00

Artitgels legids il pli savens