En il Partenz ha l'Uffizi chantunal da chatscha e pestga testà dus onns ditg la metoda dad avrir asils da selvaschina er durant la chatscha auta, per uschia pudair sajettar dapli animals. Per la chatscha da quest onn duain er en autras regiuns dal Grischun vegnir averts asils. Tgenins che quai vegnan ad esser, è anc en discussiun.
Dapli selvaschina
Malgrà l'enviern criv èn tar l'ultima dumbraziun da la primavaira 13'300 tschiervs vegnids dumbrads. Quai èn 300 dapli ch'ils ultims onns. Tenor l'inspectur da chatscha dal Grischun, Adrian Arquint, haja quai bain navì bler il schaner, dentant gia il favrer haja dà in levgiament.
RR novitads 17:00