Siglir tar il cuntegn

Header

Navigaziun

cuntegn

Chatscha speziala Grond interess vid votaziun

L’iniziativa che vul abolir la chatscha speziala maina blera glieud a l'urna. Quai mussan retschertgas dal schurnal regiunal dad SRF.

Ils iniziants da l'iniziativa èn da chasa en Partenz. E là para l'interess d'esser gronds tar la populaziun. Las retschertgas dad SRF mussan che dapli glieud va a l'urna che usità. A Schiers-Aschera quinta la vischnanca tochen dumengia cun fin 1000 votantas e votants. Normalmain schai la participaziun tranter 700 ed 850.

Da plitost grond interess vi da quella votaziun discurran er vischnancas grondas sco Tavau, Landquart ni Domat. Il dumber da persunas che hajan gia votà, saja pli aut che normalmain. A Cuira, la pli gronda vischnanca grischuna, sa participeschan actualmain radund 40% a la votaziun. La citad n'ha betg
vulì commentar quella cifra. Cumpareglià cun autras votaziuns, è la participaziun dentant plitost auta.

Ed era en Surselva para l'interess d'esser gronds. A Mustér vegn quintà che varga 50% da las votantas e dals votants vegnan ad ir a votar tochen dumengia.

RR novitads 17:00