Chatscha - A chatscha en Surses: Buna vista – nagin tschierv

1 / 13

Legenda: Ed uss anc il tschierv - Luzi Cadosch è pront per sajettar. RTR, Tona Poltera

2 / 13

Legenda: Il guardiaselvaschina Armando Janett. RTR, T. Poltera

3 / 13

Legenda: Sibylla Demarmels da la centrala da chauns da sang. RTR, T. Poltera

4 / 13

Legenda: Il quartet sa metta puspè en viadi. RTR, Toni Poltera

5 / 13

Legenda: Ensolver merità suenter las plievgiadas da la bun'ura - la gruppa da chatscha (da san. Luzi Thomann, Renato Plozza, Leo Thomann e Luzi Cadosch) tar pulenta e liongias en tegia. RTR, Tona Poltera

6 / 13

Legenda: Return en tegia. RTR, Tona Poltera

7 / 13

Legenda: Il chatschader banduna il post aut en il guaud. RTR, Tona Poltera

8 / 13

Legenda: Qua avess ella da passar - la selvaschina per il chatschader Luzi Cadosch. RTR, Tona Poltera

9 / 13

Legenda: Luzi Cadosch en tschertga dal tschierv. RTR, Toni Poltera

10 / 13

Legenda: Luzi Cadosch (76) – ha sajettà en 51 onns da chatscha passa 100 tschiervs. RTR, Toni Poltera

11 / 13

Legenda: Tradiziun da la gruppa - cun l'emprima tschaina adina «Hügel». RTR, Tona Poltera

12 / 13

Legenda: La gruppa da chatscha (da san.) Renato Plozza, Luzi Cadosch, Leo e Luiz Thomann davant tegia. RTR, Tona Poltera

13 / 13

Legenda: La tegia si Monas - il dachasa da la gruppa da chatscha che RTR accumpogna. RTR, Tona Poltera

Ils 3 da settember è ella ida libra: Bunamain 5'500 chatschaders e passa 200 chatschadras han cummenzà la chatscha auta 2016. RTR accumpogna la gruppa cun Leo e Luzi Thomann, Luzi Cadosch e Renato Plozza. Ensemen han els quatter passa 100 onns experientscha da chatscha. Lur territori è sur Parsonz en Surses.

audio

Bunura: Chatscha 2016 – centrala da telefon per chauns da sang

03:53 min, ord Actualitad dals 06.09.2016.

laschar ir. Durada: 3 minutas 53 Secundas.

Centrala per ils chauns da saung

Sibilla Demarmels è il quart onn responsabla per la centrala da telefon per ils chauns da saung en Surses / Alvras. Ils chauns da saung dovr'ins per chattar selvaschina tutgada e blessada ch'è tuttina scappada. Uschia ha ella la survista da la chatscha en il Grischun central.

Emprima bilantscha - glindesdi, ils 5 da settember

Plievgia, fraid e tschajera – quai era la situaziun da quest glindesdi bun’ura a chatscha. Tona Poltera dad RTR è sesì ensemen cun il chatschader Luzi Cadosch (76) sin in post aut en il guaud si sur Parsons en Surses. La vista è buna.

Il post aut è en in tagl da guaud en in anteriur asil da selvaschina. Ensasez in bun lieu per ir a chatscha, quinta Luzi Cadosch. Quest onn n’èsi dentant anc stà nagut. Magari massa bler bulieus ed uschia era da quels che tschertgan bulieus ed han stgatschà la selvaschina, suppona Luzi Cadosch.

Legenda: Luzi Cadosch (76) – ha sajettà en 51 onns da chatscha passa 100 tschiervs. RTR, Toni Poltera

I va liber - sonda, ils 3 da settember

Dapi questa bun'ura las 06:00 è libra la chatscha auta 2016. Tut en tut han las chatschadras ed ils chatschaders 21 dis temp da sajettar lur preda.

Dentant spera mintgina e mintgin da gia tutgar l'emprim di.

Il di avant - venderdi, ils 2 da settember

Curt avant las sis eran dus dals chatschaders gia en tegia sur Parsonz per s'endrizzar e per cuschinar in risot. Luzi Thomann va per la 13avla gia a chatscha e Renato Plozza per la terza gia.

audio

Saira: La saira avant il cumenzament da la chatscha si Monas

05:18 min, ord Actualitad dals 02.09.2016.

laschar ir. Durada: 5 minutas 18 Secundas.

Leo Thomann che va gia 40 onns a chatscha e Luzi Cadosch che va gia passa 50 onns suenter la selvaschina n'eran anc betg arrivads si Monas.

Tona Poltera ch'accumpogna la gruppa durant l'emprim di da chatscha ha tutgà il puls als chatschaders passiunads. Quel n'era dentant anc betg uschè aut.

RR actualitad 06:00 +