Sco il survegliader da chatscha Gion Bundi ha ditg, saja in taur cun trais cornas ina raritad. I sa tractia il pli probabel d'ina mutaziun genetica. Quai, perquai ch'il taur aveva davaira trais rosas ord las qualas i creschiva corna.
Il taur era enconuschent en la regiun da Nadels en Val Sumvitg.
Glindesdi suentermezdi ha Robert Candinas sajettà il taur da 138 kilos sin 2'000 meters sur mar. Per vegnir cun la preda fin en tegia, han el e ses cumpogns da chatscha duvrà passa sis uras.