Preda, atmosfera, cumpagnia, natira ed anc bler dapli. Vossas impressiuns da la chatscha pudais trametter via mail, Whatsapp u formular. A la fin da la chatscha fa ina giuria ina selecziun da las tschintg pli bellas fotografias. Quellas van lura en in voting online.
Bainprest cumenza la chatscha. Uss è la davosa chaschun da betg mo drizzar il perspectiv ed il zetef, mabain era l'objectiv da la camera. Intgins tips, co las fotografias gartegian, ed era, tge che na duess betg esser sin la fotografia, chattais quasut:
Nus giavischain bunas preparativas ed a partir dal settember: En bucca d'luf e bun tir - tant cun la buis sco cun la camera.
Co trametter fotos
Avrir la boxSerrar la box
Vus pudais trametter vossas fotografias a partir dal prim da settember via Whatsapp sin il numer 079 200 70 07 ubain cun il formular en quest artitgel. Il davos di da chatscha, ils 30 da settember, è er il davos di per trametter fotografias.
Il team online publitgescha adina puspè Vossas fotos. Vus pudais gidar nus cun inditgar tgi/tge ch'è da vesair sin il maletg e tgi ch'ha fatg la foto. Grazia fitg!
Parallel cun questa concurrenza da fotografias datti er il mais da settember la concurrenza da #muments. Bellas fotografias senza connex cun la chatscha pudais Vus gugent inoltrar tar lezza concurrenza.
Ils premis
Tgi ch'è sa participà a la concurrenza, ha la schanza da gudagnar in bel premi d'ina fatschenta d'urden da chatscha.
bon da 500 francs
bon da 300 francs
bon da 200 francs
Buna fortuna!
Dretg da fotos – chatscha 2025
Avrir la boxSerrar la box
Cun trametter fotografias ad RTR essas Vus d’accord che las datas da persunas vegnan duvradas en connex cun la chatscha 2025. Dapli infurmaziuns chattais Vus sut https://www.rtr.ch/dretgs.
Ina selecziun da fotografias publitgeschan er il «Chatschadur Grischun» e la Fundaziun Medias Rumantschas FMR.
RTR resalva il dretg da betg publitgar fotografias che n'èn betg degnas a la chatscha ubain a l'animal.
