Siglir tar il cuntegn

Header

cuntegn

Grischun Chattar abitaziuns per fugitivs è difficil

En ils centers d'asil dal Grischun sa chattan actualmain 40 fin 50 persunas ch’han survegnì il status da fugitiv. Uschia crescha natiralmain il squitsch da chattar uschè spert sco pussaivel in'abitaziun.

Pertge uscheditg che quellas persunas n'han betg ina dimora na po il chantun betg plazzar novs requirents d'asil. Emprima premissa per in'abitaziun adattada è il tschains da locaziun.

«En il cas optimal è quest tschains uschè favuraivel, ch'ils fugitivs pon pajar el cun las contribuziuns che la Confederaziun paja a las persunas renconuschidas sco fugitivs.», di Andrea Ferroni, il schef da l'Uffizi social dal Grischun.

Savens vegnan abitaziuns veglias sanadas ed uschia pli charas.
Autur: Andrea Ferroni schef da l'Uffizi social dal Grischun

Il mument saja la tschertga da talas abitaziuns pli pretensiusa. Savens vegnan abitaziuns veglias sanadas ed uschia pli charas. En la periferia dal chantun dessi savens abitaziuns vidas ed adattadas, mo gliez stettia en il conflict cun la finamira ch'ils fugitivs vegnan uschè spert sco pussaivel independents e possian segirar sez lur existenza da viver, di Ferroni.

audio
Bunura: Chattar abitaziuns per fugitivs è difficil
ord Actualitad dals 16.09.2015.
laschar ir. Durada: 2 minutas 38 Secundas.

La Caritas sa gida d'examinar la fiera

Dasper ils servetschs socials, che tschertgan abitaziuns per ils fugitivs, ha il chantun incumbensà dapi in onn la Caritas d'examinar per els la fiera d’abitaziuns.

L’organisaziun prepara ils fugitivs er sin la nova situaziun e mussa per exempel co ch’ins sa cuntegn en ina chasa da pliras famiglias.

I dettia era persunas privatas u agents d'immobiglias che fetschian amogna abitaziuns. L'uffizi saja da principi adina interessà vid talas offertas ed examineschi questas da rudent, uschia Andrea Ferroni. Magari dettia er ch'ils fugitivs chattian sez in’abitaziun.

Artitgels legids il pli savens