Siglir tar il cuntegn

Header

cuntegn

Chattar agid Tge far sco pertutgà da violenza a chasa?

A las persunas pli veglias manca savens l'energia per tschertgar agid. Agid che pudess schliar situaziuns grevas. L’uniun naziunala independenta per mediaziun e dumondas en la vegliadetgna (UBA) gida a persunas pertutgadas.

Ruth Mettler-Ernst, la manadra da l’uniun naziunala independenta per mediaziun e dumondas en la vegliadetgna (UBA), declera ch’i vegnia cunzunt tar violenza a chasa, cura che la persuna pli veglia daventa pli dependenta dals confamigliars. La parentella ch’è surdumandada en la situaziun, reageschia lura ord desperaziun magari cun fridas u isolaziun.

Gia baud prender mesiras

Ruth Mettler-Ernst declera, ch’i saja gia baud da prender mesiras cun decider, tgi che duaja guardar da la persuna pli passada cura ch’ella daventa pli dependenta dad auters cun in mandat preventiv. Uschia saja il ristg pli pitschen ch’i sa sviluppeschia in problem. I saja era da guardar sch’ins duaja trair a niz servestschs externs sco per exempel la Spitex.

Hotline per attempads

L’UBA porscha tranter auter era ina hotline nua che attempads pon confidar il problem ad ina persuna dal fatg (0848 00 13 13). En la centrala lavurian dunnas pensiunadas che hajan temp da tadlar tiers. Tenor Ruth Mettler-Ernst vegnia adina puspè tar telefons emoziunals, cunquai che las persunas sajan magari talmain desperadas. Cun l’agid da medis e giurists pensiunads saja lura savens pussaivel da chattar ina buna soluziun per tut las persunas involvidas.

Qua chattan pertutgads agid

Personen-Box aufklappenPersonen-Box zuklappen

En Svizra datti intgins posts nua che glieud attempada chatta agid sch'ella è pertutgada da violenza a chasa.

Hotline da l'uniun naziunala independenta per mediaziun e dumondas en la vegliadetgna (UBA) : 0848 00 13 13

Post da consultaziun en il Grischun: l'uniun agid per victimas dal Grischun: 081 257 31 50

Era online datti differentas pussaivladads. Per exempel sut: www.alterohnegewalt.ch, il link avra en ina nova fanestra

RTR novitads 08:00