Siglir tar il cuntegn

Header

cuntegn

Grischun Clà Riatsch survegn il premi SRG.R

Il premi SRG.R 2016 va a Clà Riatsch. Quai ha decidì la suprastanza da l'SRG.R. Il premi vegn surdà ad el sco renconuschientscha da ses engaschi da blers onns per il mantegniment ed il svilup da lingua e cultura rumantscha.

audio
Saira: Intervista cun Clà Riatsch
ord Actualitad dals 21.12.2015.
laschar ir. Durada: 4 minutas 14 Secundas.

Sco la SRG.R scriva sensibiliseschia e fascineschia Clà Riatsch numerus students a chaschun da sias occurrenzas d'instrucziun a l'universitad. El saja bun da preschentar aspects da la scienzia litterara a moda eloquenta, fundada e chapaivla.

Il premi vegn surdà ils 21 da matg 2016 en il rom da la radunanza generala da la SRG.R a Cuira.

Da l'Engiadina en la Bassa

Cla Riatsch (1956) è creschì si a Ramosch en l'Engiadina Bassa. Suenter la scola chantunala a Cuira studegia el litteratura taliana, filologia romana ed istorgia veglia a l'Universitad da Berna. Suenter ch'el ha lavurà insaquants onns sco assistent, promovescha Clà Riatsch cun ina lavur davart C. E. Gadda. Sco collavuratur scientific al project dal fond naziunal da prof. dr. Iso Camartin (litteratura e lingua minoritara) daventa el il 1989 ses substitut a l'Universitad da Turitg. El surpiglia incumbensas d'instrucziun e lectorats al seminari talian a Berna e pli tard incumbensas d'instrucziun per la litteratura rumantscha a l'Universitad da Friburg e per la litteratura taliana a l'Universitad da Neuschatel. L'onn 1997 habilitescha Clà Riatsch en la scienza litterara rumantscha e taliana a l'Universitad da Berna.

Oz viva el a Berna e lavura dapi il 2001 a l'Universitad da Turitg sco professer per la linguistica e la scienza litterara rumantscha.

RR novitads 12:00

Artitgels legids il pli savens