L'Uniun da giuventetgna da Trun ha anc oz 90 commembers. Els s'entaupan regularmain per festas, viadis gronds e pitschens sco era per occurenzas tradiziunalas da la vischnanca. Uschia carmalescha l'uniun ils giuvens adina puspè en la val - er sch'els lavuran u studegian en las citads. Quai dettia vita a la vischnanca. Er sch'i n'han nagins problems cun il dumbers da commembers - da chattar glieud motivada, che surprenda funcziuns en la suprastanza saja tuttina adina ina sfida.
Sumeglianta è la situaziun tar in'autra uniun classica; il Club da ballape da Surses. Er els han in dumber da commembers stabil - surpiglair dapli responsabladad vulan dentant ils paucs. Ils giugadurs èn simplamain cuntents d'avair in'occasiun da returnar en patria ed uschia pudair entupar ils amis da la val - e natiralmain er giugar ballape.
Telesguard 17:40