Problems cun la geologia chaschunan custs supplementars tar la sanaziun cumplessiva da la Landstrasse a Claustra, tranter la punt da Landquart ed il spartavias Selfranga. Quai ha la vischnanca communitgà a chaschun da la sesida dal cussegl communal da Claustra.
Enstagl 4 milliuns francs custa la sanaziun ussa 1,8 milliuns francs dapli. Ils dus patruns da construcziun èn l'Uffizi da construcziun bassa dal chantun e la vischnanca da Claustra. L'uffizi da construcziun bassa sto ussa examinar la clav da repartiziun dals custs provisorica, che sto silsuenter vegnir approvada da la regenza.