La destinaziun turistica Tavau / Claustra survegn era da la vischnanca da Claustra dapli daners. Il parlament da Claustra ha approvà mardi d'auzar la contribuziun da Claustra per 100'000 francs sin 600'000 francs l'onn. Tavau aveva decis gia avant d'auzar sia cumpart sin 1,4 milliuns francs l'onn. Ils daners vegnan duvrads per il marketing.
Ovra idraulica per aua da baiver
Ultra da quai ha il parlament da Claustra dà glisch verda a l'ovra idraulica per aua da baiver. Il project duai custar radund 2,1 milliuns francs. Il suveran decida il mars en chaussa.