En il Sportpanorama da televisiun SRF la dumengia saira han scenas ed expressiuns sexisticas dal nov sponsur dal HCD Peter Buser provocà. En ina scena numna el ina dunna giuvna sia subdita e la dunna sa metta giun plaun. Confruntà cun quels maletgs di il president dal club da hockey da Tavau Gaudenz Domenig ch'il club haja ina cunvegna cun la fundaziun da Buser e betg cun el persunal.
Buser - in provocatur
«Peter Buser è in che ama la provocaziun» di Elias Meier, il president dal TV Grenchen. «Buser è dentant er in sponsur fidà» - ils daners da sponsoring per il nov stadion d'atletica leva sajan vegnids pajads la stad passada e Meier è persvas ch'il HCD profitescha la fin finala dal engaschament da plirs milliuns ils proxim otg onns.
Dentant vegn en las raits socialas discurrì d'ina discriminaziun da la dunna e che Buser na sa fetschia betg cun il HCD. Auters vesan en l'acziun ina inscenaziun ironica.
RTR actualitad 17:15