Siglir tar il cuntegn

Header

video
Midar cassa da malsauns – lu dai …
Or da RTR Social dals 26.11.2020.
laschar ir
cuntegn

Co e cum Co spargnar daners tar la cassa da malsauns?

Tenor l’Uffizi da sanada paja mintga Svizzer e Svizra en media 4'500 francs per la segirada da basa. In expert da cassas da malsauns declera, nua ch’ins po spargnar.

Fin ils 30 da november èsi pussaivel da midar la cassa da malsauns per l’onn 2021. La segirada da basa è obligatorica, chaschuna dentant mintg’onn blers custs. L’expert da segiradas Felix Schneuwly declera, ch’i dat differentas pussaivladads, co sbassar quels:

  • Cumparegliar las premias tenor franschisa gida da chattar in nov contract bunmartgà. I dat pliras paginas d’internet che mussan ils differents custs da tuttas segiradas sin in’egliada.
  • Sa decider per in model alternativ empè dal model da standard. Cuntrari al model da standard decida il assicurader tar in model alternativ, tar tge medi ch’ins sto ir en cas da malsogna. Percunter datti ina reducziun da la premia.
  • Tar blers assicuraders survegnan ins ina reducziun da premia, sch’ins paja l’entira summa a l’entschatta da l’onn enstagl da mintga mais.
  • Sa decider per la franschisa maximala da 2’500 francs ubain la minimala da 300 francs. Las franschisas tranter en na sajan tenor l’expert da segiradas betg profitablas.

La segirada da basa en Svizra

La segirada da basa è fixada en la lescha davart l’assicuranza da malsauns (KVG). Dapi il 1996 è quella per mintgin ch’abitescha en Svizra obligatorica. La prestaziun da la segirada da basa è tar tut ils assicuraders la medema. Cuntrari a las segiradas supplementaras na dastgan ils assicuraders tar la segirada da basa obligatorica refusar nagin nov annunziader.

RTR actualitad 11:00

Artitgels legids il pli savens

Scrollar a sanestra Scrollar a dretga