Siglir tar il cuntegn

Header

audio
Controllar avant co postar
laschar ir. Durada: 04:51 minutas.
cuntegn

Co e cum Controllar avant ch'empustar

Per l’onn da corona 2020 vegn tenor in nov rapport davart il commerzi digital fatg quint cun prest in terz dapli cumpras via internet. Cunquai crescha er il dumber da butias online dubiusas.

Tenor in’intervista dal Beobachter cun Matthias Haari, mediatur per il commerzi digital dal forum da consument, esì adina pli grev d'identifitgar questas butias. Las paginas guardan oura sin l'emprima vista professiunalas e dovran er lingua magari correcta.

Per savair disferenziar ils «fake shops» da las butias crediblas pon ins per exempel controllar l'impressum u las cundiziuns generalas da l’interpresa (AGB). La lescha dat avant che en l’impressum sto esser inditgà in num e prenum u il num da firma. Er ina adressa postala ed ina dad e-mail ston esser inditgadas. Sche ina da quests trais manca saja quai fingià dubius.

Leger las cundiziuns

Tar las AGB’s esì tenor Matthias Haari impurtant da leger las cundiziuns da garanzia, dal dretg da dar enavos, da las modalitats da pajamaint e dal retard da spediziun. Dettia insumma garanzia, sut che cundiziuns e nua ch'ins podar enavos il prodot, cura èsi da pajar u tge capita tar retards da spediziun? Quai èn dumondas importantas en connex cun las AGB’s.

Ina tschertga da giudicats gida tenor Haari er savens per identifitgar «fake shops». Er qua saja perà da far attenziun e da leger giuducats sin differents portals, pertge quels possian vegnir falsifitgads.

Sco er pro’ls schneplis da black friday gida il saun giudizi tar shops dubius. Offertas memia bunas èn savens dubiusas.

Artitgels legids il pli savens

Scrollar a sanestra Scrollar a dretga