Sgrattar davent il glatsch da las fanestras da l'auto: In ritual da bun'ura per tut quels senza garascha u senza tecnica moderna en las fanestras. In pèr tips e trics sco ch'i va meglier da far davent il glatsch da las fanestras e per evitar ch'ellas schelan insumma. Schubregiar regularmain las fanestras da l'auto po er gia gidar, numnadamain na schelan fanestras schubras betg uschè fitg sco sch'ellas èn tschuffas.
Igl è necessari che tuttas fanestras èn cumplettamain deliberadas da naiv e da glatsch. Quai è fitg impurtant per pudair ir senza privel sin via e da na betg ristgar in chasti. E quai ch'è era impurtant è da pulir las glischs. Pia era deliberar las glischs da naiv e da glatsch.