audio
Bau dal Giapun: co evitar ch'el sa derasa en Svizra?
ord Actualitad dals 11.07.2023.
Maletg: Pixabay
laschar ir. Durada: 2 minutas 48 Secundas.
Per ch'il bau dal Giapun n'arriva betg enfin la Svizra dal nord, duess ins controllar la bagascha e l'auto avant che partir. Era duess ins desister da prender cun sai plantas e terra. En la terra pon sa zuppar ovs u larvas dal bau dal Giapun che pon sa sviluppar senza problems en novas regiuns.
Tge far sch'ins vesa uschè in bau?
Sch’in bau arriva tuttina enfin a chasa duess ins tschiffar el e betg laschar ora el en la natira. Suenter ch'ins ha tschiffà l'insect, annunziar el tar il servetsch da protecziun da plantas chantunal. Il medem è sch'ins vesa in bau dal Giapun en la natira. Sche pussaivel tschiffar el ed annunziar ed uschiglio almain far ina fotografia, notar il lieu nua ch'ins ha vis l’animal e lura er annunziar.
Legenda:
Il bau dal Giapun è brin e sumeglia ferm al bau da feglia, l'unica differenza è ch'il bau dal Giapun ha in pail alv da la vart e davos.
Pixabay
