Sin la via da Malix è dumengia saira in motociclist da 43 onns sa disgrazià mortalmain suenter ina collisiun frontala cun in automobilist. Quai ha communitgà la Polizia da la citad da Cuira.
L'automobilist da 49 onns è charrà sin la via da Malix en direcziun Lai. Suenter l'Araschgerrank è schabegià la collisiun cun la moto. Il motociclist è anc mort al lieu pervi da las blessuras grevas. La via è lura stada serrada trais uras per tut il traffic. Ils vehichels eran donnegiads dal tut ed han stuì vegnir runads davent. La polizia sclerescha ensemen cun la procura publica co ch'igl è vegnì tar l'accident.