Tgi che posseda terren en Svizra, sto resguardar restricziuns, saja quai pervi da lingias, reglas da zonas ed autras cundiziuns che derivan da leschas u d'autoritads.
Uss cuntinuescha il Grischun il cataster che rimna e fa accessibel tut questas restricziuns a moda pli simpla. Perquai ha la regenza approvà ina cunvegna tranter il chantun e la Confederaziun per ils onns 2020 fin 2023.
Da nov duai il cataster era cuntegnair infurmaziuns sco zonas da planisaziun, reservats da guaud e spazi d'auas. Plinavant duai esser pussaivel d'aschuntar temas tenor chantuns. L'access online n'è dentant anc betg realisà en il Grischun.