Siglir tar il cuntegn

Header

cuntegn

Conferenza da presidents Hansueli Roth è nov president da la regiun Partenz/Tavau

Hansueli Roth daventa nov president da la regiun Partenz/Tavau. La conferenza da las presidentas e presidents ha elegì il president communal da Claustra senza cuntravusch. Quai scriva la regiun en ina communicaziun.

Roth succeda a Werner Bär ch'è president communal da Jenaz. Quel sa retira dal presidi, resta entant commember da la conferenza dals presidents da la regiun Partenz/Tavau.

Il successur da Bär sco represchentant da las vischnancas da grondezza mesaunas è Marcel Conzett da Grüsch. A bandunar la conferenza vegn er Ueli Thöny da Schiers, ses sez surpiglia la nova presidenta Anna-Margreth Holzinger. Ella è er vegnida elegida en il comité directiv.

Vinavant commembers dal comité directiv èn Philipp Wilhelm e Cornelia Roffler-Jossen da Furna. En la cumissiun da planisaziun dal territori remplazza Conzett plinavant Georg Niggli che demissiunescha.

audio
Per tadlar: las novitads da las 14:00
ord RTR Audio dals 21.11.2023.
laschar ir. Durada: 2 minutas 16 Secundas.

RTR novitads 10:00

Artitgels legids il pli savens