-
Bild 1 von 13Legenda: La via dal Lucmagn è dapi la dumengia saira a las 17:00 puspè averta. MAD, Dario Bundi
-
Bild 2 von 13Legenda: Il material da la bova en la Val Medel è rumì e la via dal Lucmagn è puspè averta. MAD, Laura Bundi
-
Bild 3 von 13Legenda: Suenter ch'il material da la bova en Val Medel è vegnì rumì, è la via dal Lucmagn puspè averta. MAD, Laura Bundi
-
Bild 4 von 13Legenda: Rain sin punt da Pardomat/Mustér. RTR, Gionduri Maissen
-
Bild 5 von 13Legenda: Aual Russein la dumengia da mezdi. RTR, Linus Livers
-
Bild 6 von 13Legenda: Surrein dumengia da mezdi. RTR, Linus Livers
-
Bild 7 von 13Legenda: Dal Valun dal Largh sur Pranzaira en Bregaglia è la sonda a bun'ura vegnida giu ina bova. MAD, Marcello Negrini
-
Bild 8 von 13Legenda: Dal Valun dal Largh sur Pranzaira en Bregaglia è la sonda a bun'ura vegnida giu ina bova. MAD, Marcello Negrini
-
Bild 9 von 13Legenda: Er a Promontogno saja la situaziun tendida. MAD / Vittorio Scartazzini
-
Bild 10 von 13Legenda: Er a Promontogno saja la situaziun tendida. MAD / Vittorio Scartazzini
-
Bild 11 von 13Legenda: Il Rain Anteriur tar la Punt da Pardomat a Mustér, sonda a las 16:00. RTR, Gionduri Maissen
-
Bild 12 von 13Legenda: Il Tscharbach che cula da Sursaissa en il Rain Anteriur maina bler'aua. RTR / Linus Livers
-
Bild 13 von 13Legenda: Il Rain Anteriur tar Danis. RTR, Linus Livers
Suenter che l'aura sa quieta plaunet è la gronda part da las vias en Grischun puspè avertas.
Anc serradas èn:
- Per motivs da segirezza resta il Pass da l'Umbrail serrà, quai almain fin la mesemna ils 2 da settember.
Puspè avertas èn:
- La via da Brinzauls tranter Crappanaira e Lantsch è puspè averta. Ella era stada serrada per motivs da segirezza.
- La via tranter Langwies ed Arosa.
- La via dal Lucmagn è stada serrada tranter Curaglia e Fuorns pervia d'ina bova. Pervia dad ina ulteriura bova è er la via sur il Pass dal Lucmagn serrada en omaduas direcziuns davent da S. Gions. La via è stada serrada la dumengia fin las 17:00.
- La Via da Malögia è stada serrada tranter Vicosoprano e Casaccia pervi dad ina bova ch'è vegnida dal Valun dal Largh. La via è stada serrada dapi sonda fin dumengia saira a las 18:00
- Per motivs da segirezza èn la fin d'emna er diversas vias lateralas en Engiadina Bassa ed en la vischnanca da Mustér stadas serradas.
- Tranter Glion e Trun è il traffic stà impedi sonda bun'ura pervi dad in crap sin via – sco la Polizia chantunala ha confermà sin dumonda da RTR.
- En la vischnanca da Bregaglia hai dà la sonda in alarm en la Val Bondasca. Sco quai ch'in commember dals pumpiers da la vischnanca ha confermà envers RTR è quai stà in fauss alarm.
Per parts da la Surselva, dal Grischun Central, la Mesolcina e la Bregaglia ha Meteo Svizra inditgà fin la dumengia suentermezdi il pli aut stgalim da privel da malauras. Tenor SRF Meteo han ins mesirà a Soglio en Bregaglia 130 millimeters plievgia e sin l'Ospizi dal Bernina schizunt 181 millimeters.