Grischun - Constituziun da la Baselgia evangelica è in pass vinavant

Punct central da la revisiun è la collavuraziun da las plaivs, per ch'i dettia ina purschida pli varianta. Plirs puncts da la revisiun avev'ins dentant stuì stritgar, perquai che l'emprima versiun era memia extrema.

audio

Mezdi: Cussegl grond evangelic decida revisiun da constituziun

02:59 min, ord Actualitad dals 09.11.2017.

laschar ir. Durada: 2 minutas 59 Secundas.

Oriundamain era la revisiun pli gronda

Ins vuleva sminuir il dumber da plaivs sin 19 ed unifitgar il pe da taglia da tut las plaivs. Quai emprim sboz dal 2011 n'aveva però gì nagina schanza. Tenor la decana Cornelia Camichel Bromeis era quel fitg visiunari ed ils cussegliers n'eran betg pronts per quellas ideas. Uschia han ins eliminà quai da la revisiun.

Grond plaschair per la decana

Per Cornelia Camichel Bromeis èsi ina gronda satisfacziun ch'il Cussegl grond evangelic ha ditg gea a la revisiun, suenter blers onns e bleras discussiuns. Specialmain plaschair ha ella, ch'i n'ha dà naginas cuntravuschs.

Sco proxim ha il suveran da decider. La populaziun refurmada decida tgunsch il zercladur 2018 davart la revisiun da la constituziun.

RR novitads 17:00