Siglir tar il cuntegn

Header

cuntegn

Consultaziun Regenza lantscha revisiun da la lescha per la protecziun da datas

La lescha chantunala actuala è passa 20 onns veglia e dapi là be vegnida adattada punctualmain. Sco la regenza scriva en sia communicaziun vegnia la lescha cun la revisiun totala, adattada a las midadas tecnologicas ed als svilups en il dretg europeic.

Sper il svilup tecologic menziuna la regenza era ch'i vegnia adina pli impurtant da barattar datas sur cunfin. Uschia stoppian era la Confederaziun ed ils chantuns adattar las leschas correspundentas per esser sin il medem standard sco il conturn europeic. Ils decrets europeics èn numnadamein era liants per la Confederaziun ed ils chantuns.

La revisiun duai sa concentrar sin ils puncts ch'èn propi necessaris per ademplir las leschas surordinadas. En emprima lingia giaja per rinforzar ils dretgs da las persunas davart las qualas datas vegnan elavuradas. Er la controlla da la protecziun da datas duai survegnir dapli paisa. Questa controlla fa en il chantun grischun l'incumbensà u l'incumbensada per la protecziun da datas. Cun la revisiun da la lescha duai quest post daventar anc pli independents e survegnir novas incumbensas ed obligaziuns.

La consultaziun cuzza fin ils 24 d'avrigl 2024. Ils documents cun las midadas proponidas en detagl en da chattar sin la pagina d'internet dal chatun.

audio
Per tadlar: las novitads da las 12:00
ord RTR Audio dals 25.01.2024.
laschar ir. Durada: 5 minutas 39 Secundas.

RTR novitads 12:00

Artitgels legids il pli savens