La Regenza grischuna ha deliberà ina contribuziun chantunala per in project digital che duai sustegnair la realisaziun d'implants fotovoltaics alpins sin surfatschas libras. La Zendra SA survegn maximalmain 122'000 francs per sviluppar ensemen cun l'Infradigital SA metodas per sustegnair l'entir process da la planisaziun fin la montascha.
La regenza ha deliberà questa contribuziun en il rom da la Lescha davart la promoziun da la transfurmaziun digitala en il Grischun. Ils custs d'investiziun totals importan passa 290'000 francs.