Siglir tar il cuntegn
cuntegn

Grischun Contribuziun da solidaritad per victimas

Enfin ils 31 da mars han victimas da mesiras repressivas il dretg da far in'annunzia per ina contribuziun da solidaritad da 25'000 francs tar l’Uffizi federal da giustia a Berna. Quai cun emplenir in formular da dumonda.

Legenda: Guardar il video Contribuziun da solidaritad per victimas da mesiras repressivas. Durada 03:54 minutas.
Or da Telesguard dals 22.02.2018.

Mesiras repressivas vegnivan decretadas enfin il 1981 en l’entira Svizra. Durant quel temp èn uffants e giuvenils vegnids mess sut avugà e plazzads en purarias u asils. Là èn numerus vegnids maltractads e violads, perquai che lur maniera da viver na correspundeva betg a las imaginaziuns da las autoritads.

Per survegnir ina contribuziun da solidaritad ston ils pertutgads emplenir il formular ed agiuntar las actas che rendan credibel lur istorgia. Il post per agid a victimas dal Grischun a Cuira gida a tschertgar ensemen cun l'archiv chantunal las actas necessarias. Actualmain èn s’annunziadas ca. 100 persunas da las passa 500 victimas che vivan en il Grischun.

RTR Telesguard 17:40