Siglir tar il cuntegn

Header

Navigaziun

Carta cun las duas vischnancas.
Legenda: Il prim da schaner 2020 fusiuneschan las vischnancas da Cuira e Maladers. RTR, Grafica
cuntegn

Contribziun da promoziun 3,7 milliuns francs per fusiun Cuira e Maladers

Il chantun prevesa da dar 3,7 milliuns francs per la fusiun da la vischnanca da Maladers cun Cuira. Quai scriva la chanzlia chantunala. La fusiun è previsa per il prim da schaner 2020. Il Cussegl grond tracta la fatschenta en sia sessiun da l'avust.

Tant ils da Maladers sco era votantas e votants da Cuira han approvà l'onn passà cleramain la fusiun da las duas vischnancas. La citad da Cuira che dumbra actualmain radund 35'000 abitants survegn cun la fusiun 500 abitants ed abitantas dapli. Cun la fusiun da Cuira e Maladers sa reducescha il dumber da vischnancas en Grischun sin 105.

RR novitads 10:00