Controlla da traffic - Cun in kilo mariuana da la Spagna en Svizra

Bunamain in kilo drogas, haschisch e mariuana, ha la Polizia chantunala chattà sin la ruta dal San Bernardino en in auto. Cun agid d'in chaun da drogas hajan ins traplà trais umens da 22 onns ch'avevan cumprà las drogas en la Spagna e transportà en Svizra, scriva la Polizia chantunala. I sa tracta d'in um svizzer e dus Macedons. In da lez è anc vegnì tgisà pervi da charrar sut l'influenza da drogas. En tut ha la controlla da mardi saira a Pian San Giacomo durà pliras uras, e la Polizia chantunala grischuna è vegnida sustegnida da la polizia dal Tessin, da l'Uffizi federal da la duana e da la segirezza dals cunfins ed ulteriurs posts federals.