Siglir tar il cuntegn

Header

Legenda: Rudolf Leuthold da l'uffizi da sanadad dal chantun Grischun RTR
cuntegn

Corona Dumondas avertas davart corona

Il manader da l'Uffizi da sanadad dal Grischun sclerescha dumondas avertas davart il coronavirus.

Pertge na stoss jau betg ir en quarantina, sche jau hai la virola? Poss jau sco uffant era laschar dar la virola, senza il consentiment da mes geniturs? Sai jau dar vinavant il coronavirus era sche jau hai fatg la virola? Pertge na stoss jau sco persuna vaccinada betg pli far ils test emnils da fatschenta ni en scola?

Quai èn exempels da dumondas ch'èn per il mument actualas ed anc avertas.

Cun l'istorgia fictiva da Fadri e Luisa, e cun l'agid dal manader da l'uffizi da sanadad Rudolf Leuthold , sclerin nus quellas dumondas.

audio
Dumondas avertas davart il coronavirus e co agir
03:14 min, Co e cum dals 23.08.2021.
laschar ir. Durada: 03:14 minutas.

Stoss jau sco persuna vaccinada ir en quarantina, sche jau hai gì contact cun ina persuna infectada?

Na, cunquai ch’ins ha sch’ins ha la virola ina protecziun dubla na ston ins betg ir. Sch’ins ha però sintoms duess ins far in test.

Pertge na ston persunas vaccinadas betg ir en quarantina?

Perquai che la pussaivladad da dar vinavant il virus per ina persuna vaccinada è bler pli pitschna che per ina persuna betg vaccinada.

Pertge na ston persunas vaccinadas betg far tests?

Ils vaccinads na ston betg pli far tests emnils, perquai che sche tut ils vaccinads sa laschan era anc testar, ins vegniss al cunfin da la capacitad da testar. Vul dir ch’ins na pudess betg pli testar tut quels e quellas che n’èn betg vaccinadas.

Pon uffants sa laschar dar la virola, era sch'ils geniturs na vulan betg?

Gea, sch'il medi ch’è avant lieu p. ex en in center da vaccinar u en il bus da vaccinar, po giuditgar che l’uffant è abel da decider po l’uffant survegnir la virola. Quella vegliadetgna è betg liada vi d’esser maioren.

San ins era dar vinavant il virus, sch’ins ha la virola?

Dar vinavant il virus è dal punct da vista da l’uffizi da sanadad, fitg pauc probabel sch'ins ha nagins simptoms e protecziun dubla entras la virola.

RTR Co e cum 11:15

Artitgels legids il pli savens

Scrollar a sanestra Scrollar a dretga